Kampanha Elpar Lao Diak, Horta Parabens Ba PNTL & F-FDTL

DILI, STLNEWS.co – Prezidente Republika Jose Ramos Horta hatoo parabens ba Polisia Nasional Timor Leste (PNTL) nomos FALINTIL – Forsa Defeza Timor Lesta (F-FDTL) neebe durante fulan ida nia laran apoiu malu, hodi fo seguransa ba kampanha eleitoral eleisaun parlamentar (Elepar) lao diak.

“Hau nia parabens ba PNTL ho F-FDTL neebe durante nee apoiu malu hodi fo seguransa neebe diak durante kampanha fulan ida nia laran too remata, tanba parte rua nee ezerse ona sira nia funsaun ho imparsialidade, pasiensia, maski loron manas, tanba deit atu garante pas no estabilidade iha rai laran, mak forsa rua nee la senti kolen, too kampanha eleitor nee hotu,” dehan Prezidente Republika Jose Ramos Horta liu husi nia diskursu Sabadu nee (20/05/2023) iha ambitu selebrasaun loron restaurasaun independensia ba dala 21.

Horta mos husu ba PNTL ho F-FDTL atu kontinua fo seguransa too eleisaun nee remata, tanba atu garante nafatin pas no estabilidade iha rai laran, mak parte rua nee tenki nafatin halo esforsu iha baze.

(efi)

LEAVE A REPLY

Please enter your comment!
Please enter your name here