DILI, STLNEWS.co – Komunidade Tibar Jacinto Amaral esplika, dader maizumenus tuku 09:00, komunidade Tibar hetan mate isin neebe latan hela iha fatuk Tasi Tibar nia, depois komunidade fo informasaun ba Unidade Polisia Maritima (UPM) hodi mai haree.
“Dader ita nia komunidade ba tasi mak hetan hela mate isin, neebe kondisaun mate iha fatuk leten tasi ibun Tibar nian, ita hetan, pasa kedas informasaun ba UPM hodi mai haree mate isin iha lokal akontesimentu, nunee sira lori ba submete ba outopsia,” hatete Komunidade Tibar Jacinto Amaral ba STL iha Tibar, Segunda (07/08/2023).
Nia dehan, bainhira hetan informasaun nee pasa kedas ba UPM, nunee bele lori ba halo autopsia, tanba matebian nee husi munisipiu neebe mos seidauk bele hatene, tanba dokumentus hanesan BI, Kartaun Eleitoral mos laiha.
“Ita seidauk hatene matebian nee husi munisipiu neebe nian, maibe ita hetan ho kondisaun mate, tanban nee entrega ona ba ita nia segurasa sira, sira mak sei fo sai informasaun,” nia esplika.
(jen)
