Konfrontasaun Entre Joven Bebora & Villa Verde, La hakanek Ema

DILI, STLNEWS.co – Tuir Komandante Polisia Nasional Timor-Leste (PNTL) Munisipiu Dili, Superintendente Xefe Orlando Gomes hatete, kazu konfrontasaun entre joven sira iha semana kotuk liu ba, akontese iha Bebora no Villa Verde laiha ema ida vitima, tanba membru PNTL halo atuasaun lalais iha fatin akontesimentu.

Nia dehan, akontesimetu tuda malu iha Bebora nee membru PNTL sira halo atuasaun, depois situasaun lao normal fali, no iha motor beat rua mak sira soe hela iha neeba, no Polisia Tranzitu foti ona lori mai Kamando PNTL Munisipiu Dili.

“Iha konflitu Bebora no Villa Verde laiha ema ida mak sai vitima, sei sira vitima mai hatoo keixa, depois ita lao tuir prosesu, maibe sira tuda malu no PNTL halo atuasaun sira halai namkari, sira soe hela motor beat rua iha fatin akontesimentu, no ita lori mai Komando Dili,” hatete Komandante PNTL Munisipiu Dili, Superintendente Xefe Orlando Gomes ba jornalista sira iha Komando PNTL Munisipiu Dili, Segunda (11/12/2023).

Nia esplika, konfrontasaun entre joven sira iha Villa Verde no Bebora hodi tuda malu, ida nee tanba joven ida mate iha rai liur hodi mai Timor, sira lori mate isin nee ba hakohi iha semiteriu Bekusi, depois fila mak joven sira seran malu.

“Sira ba hakoi mate isin iha Semiteriu Bekusi, fila mai mak ita nia joven sira balun liu husi tasi ibun, balun liu husi Bebora, no balun liu husi Villa Verde, depois iha neeba grupu balun konhese malu konaba arte ,arsiais nian, entaun sira komesa tuda malu,” nia informa.

Nia dehan, depois akontesimetu nee, iha Komandante Eskuarda PNTL Vera Cruz nia ho membru sira halo kedas atuasaun, lansa gas air mata iha neeba hodi hafae sira, no sira halai namkari no situasaun agora lao kontroladu.

(jen)

LEAVE A REPLY

Please enter your comment!
Please enter your name here