Konsumu Mina Symphoni Uma Kain 1 Sofre Moras

DILI, STLNEWS.co – Komandante Polisia Nasional Timor-Leste (PNTL), Munisipiu Dili, Superintendente Xefi Polisia Natercia Eufrazia Soares informa, familia uma kain ida konsumu mina sona Symphoni no sofre kedas moras isin bubu, isin todan, bilan no provoka muta.

Komandante PNTL, Munisipiu Dili, Superintendente Xefi Polisia Natercia Eufrazia Soares hatoo preokupasaun nee ba jornalista sira iha nia knaar fatin Kaikoli, Dili, Kinta nee (16/03/2023).

Nia dehan, horiseik 15/03 sira nota liu husi media sosial, iha vitima balun fo mensajen ba iha publiku konaba saida mak akontese ba sira, liu husi konsumu mina ho naran Symphoni, neebe sira sosa iha loja.

“Hafoin konsumu mina nee, mosu kedas reasaun negativu ba sira nia saude, hanesan isin bubu, isin todan, bilan no provoka muta,” dehan nia.

Nia hateten, vitima husi familia ida kompostu husi inan, aman, oan, no sira nia relatiovus neebe hela hamutuk, no  iha biban nee sira ba kedas iha hospital hodi halo tratamentu.

Entaun nota ida nee komando fo kedas orientasaun, orden ba kedas iha Xefi Investigasaun Kriminal Komando nian, hodi orienta kedas nia ekipa, horkalan ba kedas iha klinika ka Postu Saude refere, hodi husu informasaun ba mediku sira.

Depois simu tiha informasuan nee, ekipa liu kedas ba iha fatin refere, neebe mak husi parte saude fo hodi hasoru malu ho autoriedade lokal nomos KPK sira neebe mak iha neeba.

No ikus mai kosnege hasoru malu dunik ho vitima sira nee, no simu informasaun balun, foti mos sampel husi mina restu neebe mak sira sosa, sira han, no agora daudaun enkamina ona ba iha Polisa Forensik, Polsia Nasional, sira sei fo apoiu hodi halo teste ba mina nee.

“Ita nia invetsigador sira mos halo ona aproximasaun ba iha loja, hodi foti dadaus balun, no sei halo identifikasaun ba loja nain, bainhira ita hetan ona rezultadu husi teste laboratorium neebe mak ita nia Fornesik Nansional sira sei halo,” dehan nia.

Hafoin ida nee, komando fo kedas orientasaun ba iha Komandante Investigasaun para oinsa komunika kedas ho AIFAESA, halo konsultasaun ho Ministeriu Publiku para haree ninia prosesu legal nee, i nomos AIFAESA institusaun relavante, oinsa atu halo kontrola liu husi vizita loja sira para haree sasan sira nee, liu-liu haree mos nia prazu nunee bele fo atensaun

Tuir informasaun neebe STL asesu iha media sosial husi akun Facebock Felicya Cabreira, husu ba maluk tomak atu labele konsumu mina ho marka Symphoni, tanba mina nee nia reasaun makaas tebes.

“Mina nee ami hola iha loja Hadomi hodi kalan, foin ohin miudia mak hau uza halo modo, i depois halo modo hotu ami komesa han ona miudia nian, la too oras deit komesa nia reasaun nee iha kedas,” dehan nia liu husi media sosial Facbooeck.

Nia hateten, husi reaksaun nee halo sira isin katar, oin komesa mahar no mean, halo fuan mos komesa book aan makaas, halo bilan no liman ain kolen.

(efi)

LEAVE A REPLY

Please enter your comment!
Please enter your name here