DILI, STLNEWS.co – Ministeriu Interior (MI) realiza enkontru ho membru Polisia Nasional Timor-Leste (PNTL) nain 158 neebe reformadu ona, tanba nee governu sei foti desizaun tuir regras no reforma membru PNTL sira ho dignu.
Lia hirak nee hatoo husi Ministru Interior Fransisco Guterres ba jornalista sira iha Sentru Formasaun Polisia, Komoro, Dili, Tersa (11/07/2023).
Nia dehan, Ministeriu Interior realiza enkontru ida ho membru PNTL nain 158 neebe reformadu ona, atu koalia konaba aprezentasaun la loos no la tuir regras.
“Hau mai koalia ho sira, atu rona sira, tanba prosesu tomak lao oinsa, depois ami sei foti desizaun ida no bolu komando, depois ami atu desidi iha Konselhu Ministru, tanba konsentrasaun nee ita lao atu mai hatama ema, maibe ita tenki mai perepara didiak para presesu reforma PNTL nian lao ho dignu,” nia dehan.
Nia esplika, PNTL sira nee estadu gasta osan barak ba sira, atu reforma sira sai membru PNTL. Tanba nee mak sira reforma hotu ona tenki husik sira ho dignu, para sira kontinua kontribui ba dezenvolvimentu pas no estabilidade iha rai ida nee, no sira kontinua iha ligasaun nafatin ho instituisaun PNTL, para PNTL persiza iha tempu ruma neebe difisil, sira mai kontribui.
Sira hatoo preokupasaun barak, ohin sira tur hamutuk ho hau, ami sei informa ba Primeiru Ministru no lori too ba Konselhu Ministru sei alista no desidi.
“Hau sei haree hotu legais sira nee, depois parese iha fulan ida nia laran ami bele ba aprezenta iha Konselhu Ministru, depois Primeiru Ministru foti desizaun,” nia informa.
(jen)
