DILI, STLNEWS.co – Xefi Estadu Maior Jeneral, FALINTIL Forsa Defeza Timor -Leste (F-FDTL), Tenente General Domingos Raul Falur Rate Laek orgulhu ba dahuluk lideransa Prezidente Parlamentu Nasional (PNN) Fernanda Lay, lidera serimonia aniversariu FALINTIL ba dala 48.
Hatete Xefi Estadu Maior Jeneral F-FDTL, Tenente General Domingos Raul Falur Rate Laek liu husi nia diskursu iha ambitu aniversariu FALINTIL ba dala 48 iha Kuarte Jeral Fatuhada, Dili, Domingu (20/08/2023).
“Prezidente Parlamentu Nasional, ita boot nia prezensa iha serimonia boot ida nee, sai nudar fontes satisfasaun no orgulhu ba ami, tanba foin primeira vez prezide husi feto, ida nee mos nudar sinal pozitivu ida evolusaun neebe akontese iha ita nia nasaun, neebe ho luta ba independensia no liderasan nasional, neebe hakarak loke odamatan ba oportunidade neebe hanesan ba ema hotu, mane no feto hodi estabelese sosiedade ida neebe justu, livre inkluzivu, iha neebe tebnke halakon kualker fator opresaun ka limitasaun ba dezenvolvimentu ita nian povu, maibe no feto neebe luta ona ho sakrifisiu neebe boot,” nia hatete.
Nia tenik, haree ba prezensa PPN nian iha loron 20 fulan Agostu, fo omenajen ba inan-feto sira neebe liu husi sakrifisu hotu neebe sira hasoru, dala barak fo mutivasaun no forsa ba funu nain sira ba liberdade.
“Ita boot nian prezensa mak motivasaun boot baa mi hotu iha nee,” nia dehan.
Nia esplika, selebrasan loron 20 de agostu tina nee, signifikadu boot no importante teb-tebes.
Nia informa, Fundasaun Forsa Armada Libertasaun ba Independensia Timor-Leste (FALINTIL), hahu iha loron neeba, liu husi dalan ida neebe susat tebes no difisil, hanesan aktu heroiku. Konkista ba Independensia, luta ba libertasaun nasional, manan hikas liberdade, no restaurasaun ba independensia.
Nia deklara, iha tempu neeba marka istoria neebe permanente iha rai, hamutuk ho esforsu eroiku sira nee, nudar eventu neebe merese tebes atu hanoin hikas asaun boot sira iha istoria mundo militar no gerrilheiru sira nian nee, lori ema hotu hamutuk, husi rai ulun too rai ikun iha territoriu nasional hodi ukan rasik aan.
“Tanba nee, ho emosaun boot no orgulhu mak selebra aniversariu ba dala 48 FALINTIL nia fundasaun, istoria glorioza FALINTIL nian neebe lori ema hotu hanoin, hanesan ba forsa armada povu nian, maske hasoru luta neebe difisil kontra invazor, ita la lakon, esperasan no vontade, nunka hafraku nafatin aten barani povu nia grupu neebe kompustu husi mane no feto, funu nain sira husi frente hotu-hotu neebe ho sakrifika, dala barak hafalun ho fakar ran husi funu nain sira no erou barak neebe ita la konsege identifika hotu, merese ita hotu nia selebrasaun,” nia hatutan.
Iha fatin hanesan, Veteranus Antonio Costa Silva Tera Bulak esplika, Prezidente Parlamentu Nasional, prezansa iha serimonia FALINTIL nee orgulhu ba FALINTIL sira, tanba feto mos luta hotu ba rai no poivu ida nee.
“Foin primeira vez prezide serimonia boot ida nee, ita orglhu uluk feto ho mane mos fo vida ba rai ida nee, ran fakar ba rai ida nee, balun mate iha ai laran, feto balun militar Indonesia estraga, tanba ita faloriza mos feto sira, sira mos iha direitu hotu ba rai ida nee,”nia deklara.
Nunee mos Ministru Justisa, Amandio de Sa Benevides informa, mensajen klaru neebe husi PR neebe lee husi PPN, katak parabes ba funu nain FALINTIL sira, parabens ba veteranus sira neebe sei ativu iha F-FDTL, no sira seluk neebe sei moris hela, ho sira nia sakrifisu boot lakon sira nian vida, fakar sira nian ran, soe aan iha fatin-fatin hodi konkista libertasaun.
“Ministeriu Justisa mos foti posizaun atu fo parabens, hanoin fatin katak, ita hotu tenke hanoin nafatin sira nian sakrifisu neebe sira halo ona, no ohin loron Timor-Leste sai nasaun indenpendeti Soberania, nia afirma.
(jen)
