DILI, STLNEWS.co – Polisia Nasional Timor-Leste (PNTL) husu ba Komisaun Reguladora Arte Marsiais Arte Marsiais (KRAM) no lider Arte Marsiais (AM) sira tenki kontrola nia membru sira, tanba membru balun sempre halo konfrunta iha fatin-fatin no komunidade mak sai vitima.
“Ita husu ba Lider Arte Marsias sira tenki kontrola sira nia membru sira, tanba balun lori problema individu tama ba organizasaun, entaun sempre akontese konfronta iha fatin-fatin,” hatete Komandante PNTL Munisipiu Dili, Superientendente Xefe Polisia Orlando Pereira Gomes ba jornalista sira iha Komando PNTL Munsipiu Dili, Kaikoli, Segunda (14/08/2023).
Komandante nee tenik, tanba sira halo beibeik dame, maibe lider Arte Marsiais mak tenki kontrola ba iha nia membru sira.
“Kuandu sira kontrola no fo samada atensaun ba nian membru sira, hau fiar katak sei bele minimiza konfrontu sira nee iha komunidade nian leet, sira tenki kumpri sira nian kompromisu dame,” nia dehan.
Nia esplika, foin daudaun iha akontesimentu konfrunta iha Vila Verde, Arte Marsias ida iha dia 7 Agostu 2023 iha gradusan PSHT nian iha CCD, graduasaun lao hela, maibe iha tuku 04:00 madrugada iha grupu deskonhesidu balun husi Arte Marsiais nian fila uluk ona, entaun ba too iha Vila Verde nian, sira tuda malu.
“Ita nia polisia eskuadra sira atua kedas iha momentu neeba, depois suspeitu sira mos halao sees aan hotu, ita so hetan evidensia motorizada lima mak ita foti, sai hanesan evidensia,” nia deklara.
Nia informa, iha konfrontasaun nee iha kios ida mak vidru rahun, uma ida nian odamatan mos vidru rahun hotu.
“Ita observa situasan normaliza fali, maibe ita konesege foti motorizada lima sai hanesan evidensia, oras nee ita iha hela Komando PNTL Munisipiu Dili, depois ita kontinuasaun ba prosesu ba oin,” nia hatutan.
Nia esplika, suspeitu sira nee lansa ona informasaun ba terenu, no PNTL identifika ona ida rua, espera katak iha tempu badak nee bele ba kaputura sira, ou bele mos sira mak mai aprezenta aan iha Komando PNTL Munisipiu Dili.
Iha fatin ketak, Diretor Fundasaun Mahein (FM), Nelson Belo husu ba Komisaun Reguladora Arte Marsiais (KRAM) atu halo komunikasaun diak, tanba iha gradusan Persaudara Setia Hati Terate (PSHT) nia realiza iha CCD sempre akontese konfrunta.
Ita la interven sira nia atividade, maibe sempre komunikasaun didiak, atu nunee labele iha konfrunta iha fatin-fatin, tanba sira konfrunta sempre komunidade mak sai vitima, nia afirma.
(jen)
