PNTL Kaptura Ema Deskonhesidu Tenta Naok Motor Iha HNGV

DILI, STLNEWS.co – Komandante Polisia Nasional Timor Leste (PNTL) Munisipiu Dili, Superintendente Xefi Polisia Orlando Gomes hatete, ema deskonhesidu ida atu tenta naok motor iha Hospital Nasional Guido Valadares (HNGV) no suspeitu agora iha prosesu investigasaun nia laran.

“Maizumenus madrugada, iha ema deskonesidu tenta atu naok motor iha HNGV, ita nia membru BOP sira hakilar no suspeitu halai, ita konsege kaptura ona suspeitu, no motor nain mos mai foti fali nia motor, tanba la konsege naok,” hatete Komandante PNTL Munisipiu Dili, Superintendente Xefi Polisia Orlando Gomes ba jornalista sira iha Komando PNTL Munisipiu Dili, Kuarta (31/01/2024).

Nia esplika, suspeitu nain rua nee PNTL kamptura ona no halao prosesu investigasaun iha eskuadra Kristu Rei.

“Sira nain 2 mak ita kaptura ona, no sei tuir prosesu investigasaun, depois motor mos sira la konsege foti no agora motor nain foti ona sira nia motor,” nia deklara.

(jac)

LEAVE A REPLY

Please enter your comment!
Please enter your name here