DILI, STLNEWS.co – Polisia Nasional Timor-Leste (PNTL) liu husi Polisia Tranzitu Segurasa Rodaviariu hahu fulan Janeiru too Setembru tinan 2023, kontribui US$ 733.26 ba kofre estadu.
“Hau hakarak informa ba publiku katak, hahu husi fulan Janeiru too Setembru 2023, ita rekolha ona total reseita ho US$ 733.26 ba kofre estadu,” hatete Komandante Tranzitu Segurasa Rodaviariu, Superintendente Asistente Polisia, Luis da Costa ba jornalista sira iha salaun Komando Jeral PNTL, Dili, Sesta (06/10/2023).
Nia dehan, reseita neebe PNTL rekolha husi odamatan fronteira terestre hamutuk US$ 120.26 no reseita husi infrator sira komete rasik, konsege hatama ba kaixa estadu nee hamutuk US$ 513.234.
Iha fatin ketak, Akademista UNTL Jose Lino da Costa esplika, parabens ba Polisia Nasional Timor-Leste (PNTL) neebe kontribui liu husi reseita hamutuk US$ 733.26, ida nee osan neebe boot tebes.
“Ita nia PNTL servisu makaas hodi rekolha reseita sira neebe iha lina fronteira, iha sidade Dili, liu husi cek poin no ema sira neebe tama sai ho sasan ilegal, tenki fo duni koima hanesan nee, nunee sira mos tauk labele halo tan,” nia deklara.
(jen)
