DILI, STLNEWS.co – Polisia Nasional Timor Leste (PNTL) hamutuk Komisaun Reguladora Arte Marsiais (KRAM) realiza enkontru ho lideransa Arte Marsiais (AM) no Arte Ritual (AR) sira, atu kontribui pas no estabilidade iha Suku Bebonuk, Postu Administrativu Dom Aleixo, Munisipiu Dili.
Lia hirak nee hatoo husi Komandante PNTL Munisipiu Dili, Superintendente Xefe Polisia Orlando Gomes ba jornalista sira iha Sede Suku Bebonuk, Kuarta (20/09/2023).
“Ohin ami hamutuk ho Prezidente KRAM no Veteranus mai iha Suku Bebonuk, tanba ita hatene fatin ida nee mos risku ba konflitu. Entaun ita realiza inkontru hodi fo hanoin nafatin ba Lider Arte Marsias no Arte Ritual sira, atu bele kontrolu sira nia membru, nunee bele fo paz no estabilidade iha Suku nee,” nia hatete.
Nia dehan, Suku Bebonuk mos risku ba konflitus, tanba nee PNTL hamutuk ho Prezidente KRAM, iha planu hodi realiza enkontru ho Arte Marsiais no Arte Ritual sira nia lideransa, hodi fo sensibilizasaun, fahe infromasaun, liga ho situasaun seguransa iha rai laran.
Nia esplika, Komunado PNTL Munisipiu Dili sempre halo kordenasaun nafatin ho joven, veteranus, nomos Autoridade Lokal sira, liu-liu ba membru PSHT, IKS no 77.
“Ita husu ba komunidade sira, ita bele hamutuk hodi atende situasan konflitu neebe sempre akontese iha Suku Bebonuk,” nia deklara.
Nia infroma, importante liu mak oinsa halao kooperasaun, tanba nee Komando PNTL Munisipiu Dili husu ba liderasan sira atu fo kontribuisan hamutuk ho PNTL, atu nunee bele garantia situasaun segurasa iha Suku Bebonuk.
Presidente Komisaun Reguladora Arte Marsiais (KRAM), Octavio da Conceicao esplika, liu husi Komisaun Reguladora Arte Marsias (KRAM) neebe servisu hamutuk ho Polisia Nasional Timor-Leste (PNTL), nomos Autoridade Lokal sira, hodi relaiza enkotru, hodi koalia konaba asuntu segurasa, asuntu liga ho Arte Marsias liu-liu atu reativa tan lei konaba segundu reativasaun lei numeru 5/2007 aktibidade arte marsias sira nian, liga mos situasaun sira iha Kapital Dili.
“Ita persiza mos inform aba komunidade tomak regula aktovidade arte Marsias nian, nomos koalia mos ba konaba politika IX Governu nian ba desportu nian,” nia informa.
Nia koalia, ba rai ida nee no povu ida nee nia diak, nia sei la hadiduk hodi kontra ema kriminozu sira neebe hakarak estraga estadu ida nee no povu ida nee nian diak.
Nunee mos Xefi Suku Bebonuk, Serafim Masedo dehan, senti orgolhu tebes, tanba PNTL no KRAM bele mai fatin ida nee, hodi realiza ona inkotru hamutuk ho Arte Marsias no Arte Ritual sira, tanba durante nee kalan-kalan sempre tuda malu no situasan hira nee halo komunidade sira la hakmatek.
“Ami Autoridade lokal sira tur hamutuk ho realiza inkotru ho arte Marsias no Arte Ritual sira, tanba situasan iha Suku Bebonuk kalan-kalan sempre tuda malu, laos probelma boot liu, maibe hanesan ema tuda malu nee sempre akontes iha nee,” nia esplika.
Nia informa, inktru nee atu bolu liderasan Arte Marsias no Arte Ritual sira, bele partisipa inkotru hodi kontrola nia membru sira, labele halo problema bei-beik iha suku Bebonuk, tanba komunidade too labarik kiik koan sira persiza hakmatek.
(jen)
