PNTL Prende Kareta 15 & Motor 2

DILI, STLNEWS.co – Polisia Nasional Timor Leste (PNTL) Segunda nee (08/05/2023) halao atividade pasa revista, konsege prende kareta 15 no motor 2, tanba kontra lei kodigu estrada.

Haktuir Portavoz Komando Jeral PNTL, Superintendente Xefe Polisia, Arnaldo Araujo ba jornalista sira liu husi konferensia imprensa iha salaun KomJer Kaikoli, Dili, Segunda nee (08/05/2023).

Nia hatene, Komando PNTL pasa revista ba transporte publiku sira hanesan kareta no motorizada sira. Iha biban nee, sira halo infrasaun nee ba kareta 15 no motorizada 2, kareta ho motor sira nee agora iha Komando Munisípiu Dili.

Nia dehan, sei halo prosesu ba sira neebe laiha dokumentu, laiha dokumentu nee hamutuk 18. Tranzitu husu ba komunidade neebe utiliza transporte, tantu publiku no privadu tenki iha dokumentu.

“Atu sai karik tenki kompleta dokumentus sira, hanesan motor ho kareta nian, labele haluha, asesores kareta ho motor nian tenki kompletu mak lao sai,” dehan nia.

Hanesan sapa matríkula laiha sei kona US$ 60, husu ba komunidade sira asesores nee importante tebes, tau surat sira kompletu mak foin bele lao.

Karta kondusaun nee importante i sira seluk mos importante, se mak seidauk iha karta kondusaun, agora daudaun bele ba trata iha Diresaun Nasional Transporte Terestre (DNTT).

Sidadaun neebe mak viola regras tránzitu nian, kuandu tama ona iha linha tránzitu nian, hakarak ka lakoi tenki selu koima.

Nia hatete, PNTL prontu ona asegura ba kualker kampanha neebe deit, Komando PNTL liu husi komandante jeral halo alterasaun lideransa partidu sira nian.

(EST 1)

LEAVE A REPLY

Please enter your comment!
Please enter your name here