DILI, STLNEWS.co – Instituisaun Polisia Nasional Timor Leste (PNTL) realiza enkontru ho Komandate PNTL, Komandate Unidade Espesial Polisia (UEP) nomos Xefi Departamentu no Xefi Gabinete, hodi tau hanoin hamutuk ba planu asaun anual ba 2024 nian.
Nia dehan, planu prioridade 5 mak hanesan, planu Fronteira, Servisu Tranzitu Seguransa Rodoviaria, Servisu Investigasaun Kriminal, Servisu Departamentu Polisia Komunitaria no Servisu Informasaun.
“Ami nian diskusaun ida nee atu ajustu ba planu asaun annual ba 2024 nian,” hatete Segundo Komandante Jeral PNTL, Komisariu Pedro Belo ba jornalista sira iha salaun Komandu Jeral PNTL Dili, Kuarta (23/08/2023).
Nia dehan, iha semana kotuk Komandante Jeral PNTL hamutuk ho Komandante Munisipiu, Komandante UEP no Xefe Departamentu nomos inklui Xefe Kabinte sira hodi inkontru ona, tanba nee nia kontinuasaun maka ohin realiza ba dala rua.
Ninia kontinuasaun maka hamutuk para ajusta didiak planu asaun annual diak, hodi nunee bele ba aprezenta ba Ministeriu Interior, nunee ba planu prioridade saida mak bele haree iha tinan oin mai, tanba sei ajusta ba iha planu MI nian.
“Tanba nee ami haree liu ida nee, tur hamutuk hodi halo diskusaun, rona mos komandante sira neebe maka importante liu UEP, Ida neebe ita hotu hatene katak, sira nian kondisaun mos ladun diak, entaun persiza tebes atu haree sira nian kondisaun, tau mos ba planu prioridade,” nia tenik.
Nia esplika, PNTL iha planu prioridade lima neebe mak Ministeriu Interior (MI) fo ba PNTL maka, fatin UEP, area investigasaun nian, tranzito nian, informasaun no ivestigasaun nomos Polisia Komunitaria, neebe mak sira sei tau ba planu asaun annual ba tinan 2024.
Iha fatin hanesan Komandante PNTL Munisipiu Dili, Orlando Gomes mos partisia inkontru konaba Planu Asaun Annual tinan 2024 hamutuk ho Komandate UEP, Unidade, Xefe Devizaun sira fo hanoin hamutu atu tau planu neebe ho kualidade atu ba aprezenta iha Ministeriu Interior (MI).
“Ita mai hodi inkontru ba Planu Asaun Annual ba 2024, tanba programa prioridade sira nee importante ba instituisaun PNTL,” nia deklara.
Nunee mos Ministru Interior (MI), Francisco Guterres, UEP husu atu halao servisu tuir orden neebe iha, maibe konaba difikuldade kondisaun no ekipamentus governu sei la taka matan.
(jen)
