HERA, STLNEWS.co – Sekretariu Estadu Dezenvolvimenzu Lokal (SEDL) hamutuk ho Komadante Munisipiu Dili, Prezidente autoridade Munisipiu Dili, halo inaugurasaun ba Rezidensia Ofisial Polisia Suku (OPS) neebe lokaliza iha Hera.
Sekretariu Estadu Dezenvolvimentu, Mateus W. dos Santos Talo hateten, hahu husi governu anterior mai too governu ida nee, tau ona prioridade ba oin, sei kontinua implementa projetu sira nee. Tanba parte ida husi projetu nee mak atu kontribui redus problema sosial iha komunidade.
“Hau nia parte sei tau prioridade ba projetu refere, tanba iha futuru ita sei milhora servisu konaba planu dezenvolvimentu komunitaria, tan nee kestaun sosial, ekonomika mak sai pontu importante ba futuru, liu-liu konaba programa governu nian,” hatete Sekretariu SEDL, Mateus W. dos Santos Talo iha nia diskursu hafoin halo inaugurasaun uma Suku (OPS), iha Suku Hera Postu Administrativu Kristu Rei, Munisipiu Dili, Kuarta (06/09/2023).
Sekretariu Estadu nee mos husu ba Autoridade Lokal sira, liu-liu PNTL eskuadra Kristu Rei atu tau matan hela ba uma OPS neebe inaugura ona nee, ho nunee bele uza ba longu planu, karik sistema seguransa troka malu karik, nafatin asegura no kuidadu nafatin uma nee hodi labele hetan estraga, no fatin nee bele diak no dignu hodi atende komunidade iha suku nee.
Iha fatin hanesan, Komadante PNTL Munispiu Dili, Superentidente Orlando Gomes husu ba Sekretariu Estadu Dezenvolvimentu Lokal katak, projetu Uma OPS nee labele para iha nee deit, maibe tenki kontinua mos iha suku seluk neebe presiza, balun uma seidauk iha.
“Ami husu ba SEDL atu tau prioridade liu ba fatin sira neebe ita konsidera risku ba konflitus, oinsa kria kondisaun neebe diak hanesan uma ida neebe ohin ita inaugura nee, ho nunee bele fasilita ofisial suku sira fo atendimentu neebe diak ba ita nia komunidade, tanba kapital Dili sai hanesan fatin neebe risku ba konflitus, nomos iha Munisipiu balun,” dehan Komadante Munisipiu Dili,” afirma.
(jen)
