DILI, STLNEWS.co – Governu Timor Leste liu husi Sekretariu Estadu Protesaun Sivil (SEPS) hamutuk ho Ministeriu Interior, realiza enkontru konaba kooperasaun ho Governu Norte Teritóriu Austrália iha area Protesaun Sivil nian iha Timor Leste.
Kestaun nee hatoo husi Sekretariu Estadu Protesaun Sivíl, Joaquim José Gusmão dos Reis Martins ba jornalista sira liu husi konferensia imprensa iha TLDPDP, Surikmas, Tersa nee (21/03/2023).
“Vizita husi Governu Norte Teritóriu Austrália nian, sira husi universidade Darwin nian, mai iha nee hodi halao enkontru ho Ministeriu Interior no Sekertariu Estadu Protesaun Sivil, koalia konaba kooperasaun ba iha Protesaun Sivil nomos iha area PNTL nian,” nia hatete.
Nia esplika, enkontru nee realiza tanba Govenru Norte Teritóriu, depois asina MoU ida neebe mak Primeiru Ministru (PM) Taur Matan Ruak neebe uluk asina ona iha Darwin.
Nia informa, horiseik ekipa nee mai, lidera husi Polisia Norte Teritóriu nian, mai hodi kria kooperasaun diak ho Protesaun Sivil.
“Ita koalia kooperasaun neebe mak ita bele halo ho Govenru Norte Teritóriu Austrália, tanba ita hotu hatene katak, vizinhu besik liu mak Darvin, Australia, tanba nee ita hakarak iha kooperasaun diak iha area sira neebe kobre husi Protesaun Sivil,” nia deklara.
Nia deklara, iha area ida neebe sei identifika, tanba kooperasaun ida nee Govenru Timor-Leste tenki kria diak ho Govenru Norte Teritóriu Austrália.
Iha fatin hanesan, Komisariu of Police, Fire and Emergency Services, Jamie Chalker hatete, atividade koalia konaba kooperasaun diak entre Timor-Leste, nee importante tebes, tanba atu koalia konaba dezastre naturais nian iha nasaun ida nee.
“Parte Governu Norte Teritóriu tama ba emerjenisa nian, laos ba dezastre naturais deit, maibe emerjensia bele iha tipu oin-oin, hanesan mos segurasan universidade nian,” nia dehan.
Nia esplika, Norte Teritóriu senti iha buat barak neebe persiza halao, hanesan tipu emerjensia neebe baibain iha, hanesan mos Timor-Leste hetan.
(jen)
