DILI, STLNEWS.co – Komandante Unidade Patrulhamentu Maritima (UPM), Superintendente Xefi Polisia, Eugenio Pereira hatete, Autoridade Munisipiu Lautem informa atividade peska ilegal tama iha Munisipiu Lautem, Postu Adimistrativu Tutuala, area Walu Sere.
Nia dehan, simu informasaun husi Autoridade Munisipiu Lautem, Postu Administrativu Tutuala, aprezenta informasaun komprovas mos ho imagen balun neebe relasiona ho atividade roo peska ilegal neebe tama iha parte Tutuala nia.
“Ami rona Atividade Ro Peska ilegal tama mai iha ita nia teritoriu do mar nee liu-liu ita nia tasi mane iha area Tutuala-Walu Sere nian, depois ami simu informasaun Komandante kompamia Carles Polisia Maritima ho nia membru sira apoiu mos komandu Munisipiu Lautem nian rapidamente ba kedas iha Tutuala Walu sere, hodi halo kedas observasaun no mos ho ita nia Autoridade parte peska no mos guarda floresta hodi asegura kedas Ro ilegal nee.” hatete Komandante Unidade Unidade Patrulhamentu Maritima (UPM), Superintendente Xefi polisia, Eugenio Pereira ba jornalista sira iha Sentru Formasaun Polisia Komoro, Dili, Sesta (29/09/2023).
Nia esplika, ro peska ilegal mai iha area tasi mane liu-liu Postu Administrativu Tutuala, maibe rapidamente Membru Unidade Patrulhamentu Maritima no membru Polisia Nasional Timor Leste (PNTL) konjunta ho Autoridade parte peska inklui guarda floresta too kedas iha fatin hodi asegura Ro neebe peska ilegal nee.
“Ami simu informasaun nee Komandu Unidade Polisia Maritima mai kedas ho nia planu Navegasaun para atu bele orienta efetivu UPM nian ho ita nia rekursu neebe iha ami halo kedas prevensaun no halo Patrollamentu kedas iha area refere.”nia tenik.
Nia deklara, dezde loron rua liu ba UPM ho nia efetivu neebe koordena husu UPM ba kedas iha neeba hodi apoiu kompañia Carles hodi kontrola no mos halo Patrullamentu iha area neebe mak iha indikasaun hodi peska ilegal.
“Informasaun ami kontinua update Ro nee komesa muda ses ona husi tasi mane ho ita nia membru sira tama fali ba sira sai husi ita nia tasi ona maibe ita nafatin Vizilansia, UPM kontinua mantein nia prezensa iha neeba ami iha ekipa Rua ho nia planu neebe mak planeia ona hodi atua situasaun iha momentu neebe provas hatudu ninia atividade ilegais,” nia deklara.
Nia esplika, Membru UPM neebe destaka iha tasi mane nee kestaun tekniku mai UPM kontinua halo Patrullamentu iha area neebe sempre hetan atividade peska ilegal sira tama mai, maibe parte UPM sempre prezensa iha tasi mane hodi halo Vizilansia.
“Ami iha planu neebe sempre fo vizilansia ba ita nia tasi mane nomos ba teritoriu Timor hodi kontrola no vizilansia ba ita nia peska ilegal sira nomos ita nia membru UPM ba ho ita nia ekipamentus neebe ita iha, wainhira ita nia peskador ilegal sira uza forsa mak ita nia membru UPM mos prontu hasoru tuir nia situasaun,” nia informa.
Iha fatin hanesan, Akademista UNTL, Jose Lino da Costa informa, roo ilegal neebe tama Lospalos Tutuala Walu sere, tenki investiga didiak, tanba roo nee derepenti mosu iha Lospalos Tutuala.
“Ita husu UPM tenke halo kedas observasaun no mos ho ita nia Autoridade parte peska no mos guarda floresta hodi asegura kedas Ro ilegal nee, depois ita tenke ivestiga didiak ro nee husi neebe, labele husik nia fila-fali deit,” nia afirma.
(jen)
