DILI- Aimoruk iha Sentru Saude Becora (SSB) sufisiente atu atende ba pasiente sira.
Tuir Xefi Sentru Saude Becora, Mateus de Jesus katak, iha Sentru Saude Becora ai-moruk sufisente ba pasiente sira.
Ami iha nee ai-moruk sufisene atu fo ba paseinte, konaba ai-moruk hau sente iha hotu atu fo ba ita nia paseinte, tanba nee ami la prekupa ho ai-moruk,” hateten Mateus ba Jornalsita STL iha Sentru Saude Becora, Tersa, (17/10/2017).
Nia dehan, konaba atendemtu mos lao diak,maibe probelema maka Sentru Saude nee dook liu husi sala materindade.
Wanhira ita nia inan sira partus konsulta no tau naran iha sentru depois hotu mai fali partus iha nee, tanba nee ohin ami husu ministreu atu hare konaba destansia dook nee,”hateten Mateus.
Nia esplika, iha Sentru Saude Becora nee problema trasporte, oinsa maka atu lori pesoal sira ba iha fatin SISCA no mobel klinika.
Ami laiha transporte atu lori ami nia pesoal saude sira ba fatin SISCA, ida nee maka ami hatto ona ba Ministru Saude,” hateten Mateus.
Iha fatin hanesan Fransisco dos Santos Pereira, nudar familia husi pasiente dehan, atendementu neebe iha Sentru saude becora nia atendementu neebe mai iha pasiente diak tebes maibe ai-moruk vitamina ba inan isin rua maka laiha.
Iha sentru nee rasik konaba atendementu nee diak i kapas tebes, ita nia moras sira husu didiak ita esplika ba,maibe problema maka ai-moruk vitamina ba inan isin rua nee maka laiha, laos iha sentru saude maka lakohi fo maibe tuir informasaun neebe ami rona katak vitamina ba inan isin rua iha SAMES mak laiha duni,”afirma Fransisco.
Nunee mos pasiente Ermelida Costa Silva dehan, atendementu neebe iha Sentru Saude Becora nee diak maibe, iha problema maka sentru nee dok liu husi sala materindade.
“Koalia konaba antendementu diak tebes maibe, distansia ita husi sentru saude nee mai iha sala materindade nee maka dok liu, tanba ita hare inan sira atu partus tenke tau naran iha sentru saude nee ou konsulta depois maka sae mai iha materidade hodi partus,”informa Ermelinda. Jeniche da Costa