DILI, STLNEWS.co – Tuir Xefi Departamentu Ambiental Munisipiu Dili, Domingos dos Santos Ceriano, rekonhese lixu neebe naklekar iha fatin publiku sira iha Dili laran, nee relasiona ho loron boot paskua no eleisaun prezidensial nian.
“Lixu iha sidade Dili nee, komesa loron ida ohin nee ita haree katak, iha fatin publiku sira iha Dili laran nee nakonu ho lixu, neebe ita liga ba servisu neebe mak iha, tanba loron boot ba relijioza nian iha loron Kinta, Sesta, Sabadu no Domingu, depois liga ho tan eleisaun ba ita nia Prezidente Republika iha teritoriu laran, entaun governu fo toleransia iha loron Segunda loron, depois iha Tersa no Kuarta mos sei pontu toleransia,” dehan nia ba jornalista sira iha edifisiu Munisipiu Dili, Kuarta nee (20/04/2022).
Nia hatutan, koalia konaba ema nee iha toleransia, maibe foer ka lixu nee la iha toleransia, neebe kuaze semana ida nia laran parte saneamentu Munisipiu Dili la halo servisu, tanba iha loron paskua nee feriadu, nee koalia konaba funsionariu sira husi Munisipiu Dili nian.
Kontinua ba pajina 2
