Estrada Rotunda Nakfilak Ba Fatin Bee Nalihun

DILI, STLNEWS.co – Estrada boot rotunda Nicolau Lobato Komoro, sai fatin bee nalihun, kuaze fulan ida resin ona, too bee nia kor nakfilak sai verde tanba bee dalan laiha.

Tuir observasaun STL Sabadu nee (23/07/2022) iha terenu katak, estrada boot rotunda Nicolau Lobato Komoro sai fali fatin bee nalihun, too bee nia kor nakfilak ba verde, maibe too agora seidauk iha intervensaun ruma husi parte relevante.

Estrada boot rotunda Komoro i hanesan mos dalan entrada ba ema estrajeiru sira, maibe too agora bee sei nafatin nalihun too nia kor sai fali ba verde, kuaze fulan ida resin ona, maibe seidauk iha intervensaun ruma husi parte relevante hodi hasai bee nee husi estrada refere.

Nunee mos barrajen iha fatin refere nalihun nakonu ho lisu no halo bee sai iis, tanba laiha bee dalan atu bee bele sai.

Iha fatin hanesan, reprezentante povu iha uma fukun Parlamentu Nasional, deputada husi Bankada FRETILIN, Maria Angelica Rangel, preokupa ho bee neebe nalihun iha estrada rotunda Komoro, husu ba governu liu husi Ministriu Obras Públikas (MOP) atu haree, tanba dalan nee ba ema estranjeirus sira.

“Tanba ita haree agora daudaun tempu bailoro, maibe bee nee nalihun kor sai tiha verde, hau liu fulan hira ona, haree bee nee nafatin deit, husu governu oinsa atu bele haree,” dehan nia.

Nia hatutan, husu mos ba Komisaun E neebe trata asuntu infraestrutua atu bele mos ba halo fiskalizasaun, hodi halo rekomendasaun no haruka karta direta ba MOP atu rezolve.

(dom)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...