Haris Fatin Largo Agora Moos

DILI, STLNEWS.co – Haris fatin neebe governu prepara ba publiku iha Largo Lesidere, kompara uluk no agora la hanesan, tanba agora nee moos, iha mudansa tebes, tanba trabalhador sira iha fatin nee sempre hamoos.

“Tuir hau nia observasaun ba haris fatin publiku iha fatin nee agora iha mudansa ona, agora moos. Tanba uluk 2015 too 2022 sira nee, ita tama foer nakonu, hanesan bee laiha. Depois foer nakonu no iis makaas, nee la diak mai ita nia saude,” hatete joven Odelia Fernandes ba STL iha Jardin Largo Lesidere, Dili, Kuarta (24/05/2023).

Nia esplika, iha cleaner khusus hodi hamoos no rega tuir-tuir, entaun agora toilet iha publiku nee moos ona, la foer hanesan uluk.

Nia hatutan, toilet iha Largo Lesidere nee sufisiente ona ba vizitante sira atu utiliza, maski bee merak oituan, tanba nee husu ba vizitante sira mai soe foer boot no foer kiik nee sufisnete ona ba sira.

“Ita haree toilet neebe iha publiku nee kondisaun diak hotu no moos ona, tanba nee vizitante sira mos uza ho konsiensia, tanba ida nee diak ba ita nia saude,” katak nia.

Iha fatin hanesan, cleaner husi Salima Unipessoal. LDA, Francisco Manunu Falo neebe hamoos toilet Largo Lesidere dehan, vizitante barak mai tur halimar iha nee barak tebes, no sira mai utiliza fatin nee sempre tuir regas, tau sinelus iha liur no soe foer tenki rega ho bee.

“Ita haree vizitante sira utuliza toilet nee ho diak la halo foer, se sira halo foer hau hamoos tuir-tuir,” nia tenik.

(jen)

LEAVE A REPLY

Please enter your comment!
Please enter your name here