Kada Fulan SSVC Atende Inan Partus 60

DILI-Numeru inan neebe tur ahi iha Sentru Saude Vera Cruz sempre aumenta ba bebeik tanba, kada fulanSentru Saude Vera Cruz bele atende inan neebe tur ahi 60 ba leten.

Tuir Xefe Sentru Saude Vera Cruz, Dulce Tilman Pinto, ba STL iha nia servisu fatin Segunda (15/05/2017) hatete, numeru inan neebe tur ahi iha Sentru Saude Vera Cruz kada fulan menus liu mak 60 no bele too 100.

Kada fulan numeru inan isin rua sempre aumenta, total hamutuk 60 bele too 100. Iha fulan April ami atende inan 61 neebe partus normal, maibe iha balun neebe tenke transfere ba HNGV tanba ho komplikasaun,” hatete Dulce.

Nia hatutan, inan sira neebe transfere ba HNGV mak hanesan ida neebe partus la normal ou halo operasaun, bebe toba sala tanba fasilidade iha Sentru Saude Vera Crus limitadu.

Iha fatin ketak Xefi Sentru Saude Becora Adelina Pinto mos hatete, iha Becora kada fulan sira atende inan neebe tur ahi ituan liu mak 50 no barak liu mak 85.

“Kada fulan ami atende inan neebe partus hamutuk 50 maximu nain 85. Ami iha parteira nain walu, mediku ida no infermeira nain rua neebe halo rotasaun lor-loron hodi fo atendementuba inan partu sira durante 24 oras,”esplika Adelina. Jenice da Costa

LEAVE A REPLY

Please enter your comment!
Please enter your name here