Klientes La Kumpri Regra Serka Sanitaria

DILI, STLNEWS.co – Kliente sira neebe atu foti osan iha kompania Island Dream Money, lakumpri regras iha ambitu serka sanitaria.

Tuir kliente Hipolito da Costa hatete, sira neebe mak priense formulariu iha semana kotuk too agora, no ohin mai atu foti osan maibe sira tunda fali ba aban, tanba kumpri estadu emerjensia, entaun bele semana rua mos prontu atu simu realidade.

“Ami lahatene sistema sira nian oinsa, maibe tuir loloos nee sira atende ema neebe priense tiha ona formulariu iha semana rua kotuk, depois maka atende ema sira neebe maka ohin foin foti formulariu ba atu priense nee, para ita bele kumpri distansia sosial ho diak, sei lae runguranga hanesan agora metin hela,” hatete Hipolito da Costa ba jornalista sira iha Katedral, Tersa (16/03/2021).

Nia hatutan, sira nia atendimentu nia bele dehan ladun diak tanba agora iha situasaun estadu emerjensia, sira uza maneira hanesan nee bele afeita ba moras neebe agora iha ita nia rai, ba fali ema seluk, ka lakumpri ona regra tanba ema barak halo runguranga los.

Aleinde nee mos jornalista koko atu konfirma asuntu nee ba Kompania Island Dream Money, maibe parte seguransa la autoriza atu tama.*

Reportajen: Blandina Mauno/Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here