Komunidade Bairru Sacrojes-Perumdis Taka Dalan

DILI, STLNEWS co – Estratejia husi komunidade atu prevene transmisaun Covid-19 tama iha bairru laran, komunidade Bairru Sacrojes-Perumdis foti inisiativa halo lutu iha estrada, hodi taka dalan ba movimentu transporte inklui mos lao-ain atu tama sai iha bairru refere.

“Provizoriu la simu movimentu husi liur, tama iha bairru Sacrojes-Perumdis,” liafuan nee STL asesu liu husi karta neebe komunidade taka iha lutu bairru Kampung Baru, Comoro, Kuarta (10/03/2021).

Foto: STL/Domingas Soares

Tuir observasaun jornalista STL iha terenu katak, husi loron primeiru deteta pasiente pozitivu nain 2 iha BTN II, Terra Santa, Suku Madohi, komunidade sira iha Bairru Sacrojes-Perumdis seidauk taka dalan ba movimentusaun transporte publiku inklui privadu no lao ain sira sei tama sai.

Maibe husi kazu pozitivu neebe loron ba loron sempre aumenta, halo komunidade sira sente tauk ho moras nee, tanba nee atu prevene aan husi moras nee, komunidade foti desizaun taka dalan ba bairru seluk labele tama inklui mos movimentu publiku sira.*

Reportajen: Domingas Soares
Editora: Domingas Gomes

LEAVE A REPLY

Please enter your comment!
Please enter your name here