DILI, STLNEWS.co – Komunidade sira presiza iha konsiensia hodi labele soe lixu arbiru iha valeta, maibe tenki tau iha fatin lixu.
“Ita tenki presiza iha ambiente neebe mak moos, nunee evita susuk iha ita nia hela fatin, tanba tinan ida nee kazu dengue sae, too labarik barak mak lakon vida. Ho ida nee familia idak-idak presiza iha konsiensia atu labele soe lixu arbiru,” dehan Leonita hanesan komunidade Suku Bairu Pite ba STL iha nia hela fatin, Domingu nee (24/07/2022).
Nunee mos Trinito da Costa Maia hanesan juventude Suku Bairu Pite dehan, husu ba inan aman sira presiza fo hanoin ba oan kiik sira labele soe foer ba valeta neebe ema hamoos ona, dala barak ema hamoos tiha labarik sira foti fali foer soe ba laran, tanba nee lixu neebe iha ba soe iha nia fatin atu evita kazu dengue.
(jac)
