Negosiante Manleuna Preokupa Bee

DILI, STLNEWS.co – Negosiante merkadu Manleuana preokupa kona ba bee hodi fase liman, tanba tangki neebe prepara ona maibe nunka ense bee too agora.

Tuir negosiante OB Manleuana, Euclidios Freitas dehan, tangki ka profil neebe governu prepara ona iha merkadu laran, maibe bee desde estadu emerjensia ba dasia, ka kuaze fulan tolu ona, sira nunka mai ense too agora.

“Ami prepara rasik bee maka komprador sira mai hola ami nia sasan hodi fase liman, maibe governu prepara tanki iha merkadu laran nunka ense bee,” dehan Euclidios Freitas ba STL, iha merkadu Manleuana Segunda (03/05/2021).

Nia hatutan, antes sira prepara bee ho sabaun maibe liu tiha loron rua tolu, sabaun hotu atu tau fila fali mos laiha too agora.

“Ami mos osan laiha atu sosa sabaun tau iha neeba hodi fase liman, tanba nee kompetensia kompania rasik mak hodi prepara, tanba ami rasik loron ida hetan $1 ka $2, depois hetan osan iha neebe mak atu sosa sabaun,” nia tenik.

Nia husu governu atu ense bee iha tanki ho sabaun, nunee komprador sira fase liman, depois mak sira tama mai sosa sasan sira, maibe sira husik deit hanesan nee sira sente ladun diak.

Iha fatin hanesan, Koordenador Merkadu Manleuana, Julio Caldas dehan, kona ba bee desde iha dia 04 Abril akontesementu inundasaun hanesan profil neebe governu prepara nee laiha, bee nunka ense tanba sira atende liu ba komunidade sira neebe iha suku sira, maibe merkadu Manleuana too agora.

Nia afirma bee ida neebe sirkulasaun iha merkadu laran nee lao diak, maibe bee tau iha profil atu fase liman mak too agora seidauk ense.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...