DILI, STLNEWS.co – Reabilitasaun estrada Tasi Tolu ba too Raikotu sei temporariu, hodi prepara tomada de pose ba Prezidente Republika foun no komemora mos loron 20 fulan Maiu.
“Reabilitasaun estrada Tasi Tolu ba Rai Kotu nee hanesan parte ida atu rezolve inundasaun, maibe tanba ita iha eventu boot ida, ka loron 19 fulan Maiu kalan tomada de pose ba Prezidente Republika eleitu, mak ita fasilita lai halo temporariu, tan nee agora daudaun estrada Tasi Tolu ba Raikotu kompania seidauk halo konstrusaun lo-loos, ita sei halo provizoriu hodi responde ba seremonia pose ba prezidente eleitu,” kestaun nee fo sai husi Ministru Obras Publiku, Abel Pires ba STL iha Tasi Tolu, Domingu nee (08/05/2022).
Nia afirma, agora daudaun kompania halo servisu temporariu no projetu konstrusaun lo-loos seidauk implementa, tan nee hein eventu loron 20 fulan Maiu liu tiha mak kompania foin halo lo-loos nia servisu, tanba nee projetu lo-loos nee sei lao iha loron 21 fulan Maiu ba leten.
Projetu nee lao deit husi Tasi Tolu ba too Raikotu, ida nee parte ida atu rezolve problema inundasaun no husi Raikotu ba Rotunda Komoro nee projetu ketak ida, tan nee husi Raikotu ba Rotunda Komoro tama ona iha faze tenderizasaun.
(mad)
