DILI, STLNEWS.co – Oras nee daudaun Kompania Starking hahu rega aspal been ba rai ateru iha fatin preparasaun ba selebrasaun loron 20 fulan Maiu, no tomada de pose Prezidente Republika (PR) foun, nunee rega rai hodi halakon rai rahun.
Tuir observasaun neebe STL haree iha terrenu Sesta nee (29/04/2022) katak, preparasaun fatin ba selebrasaun loron 20 fulan Maiu, Kompania Fitikai neebe monta tenda no kompania ida seluk ateru rai no kompania Starking mak rega aspal been ba rai neebe ateru iha kedas fatin selebrasaun nian, nunee halakon rai rahun.
Tuir informasaun neebe STL asesu katak, trabalhador neebe servisu iha Kompania Starking, sira rega aspal been hodi hamate rai rahun nee, hahu iha loron Kuarta (27/04/2022), no tuir planu durante semana ida hahu rega remata.
No oras nee daudaun trabalhador sira hahu servisu namanas hela, hodi rega aspal been hadulas fatin selebrasaun loron 20 fulan Maiu, mezmu loro manas, maibe kontinua servisu tanba trabalhador sira hetan lembur.
(gui)
