Tama 2024, Komunidade Tasi Tolu Kontinua Sosa Bee Moos

DILI, STLNEWS.co – Komunidade Tasi Tolu, liu-liu Aldeia 12 de Outubru kontinua sosa bee moos, maski tama ona ba tinan 2024, sira sei susar asesu bee moos neebe kanaliza husi governu.

Tuir Komunidade Tasi Tolu, Aldeia 12 de Outubru, Hermina do Carmo San Oliveira hatete, daudaun nee sira kontinua sosa bee moos, tanba be moos neebe governu kanaliza seidauk too iha Tasi Tolu, liu-liu Aldeia 12 de Outubru.

“Ami husu ba IX Governu liu-liu Avo Nana, oinsa atu tau netik matan ba ami hodi bele kanliza bee moos too iha ami nia aldeia, tanba bee moos sosa nee laos foin agora, maibe dezde uluk kedas, i ami sira iha 12 de Outubru nee sosa deit bee, tanba bee neebe iha nee bee masin”, lamenta Komunidade Tasi Tolu, Aldeia 12 de Outubru ba STL, Domingu (07/01/2024).

Nia dehan, husu ba nai ulun ka autoridade lokal sira, oinsa atu buka dalan, nunee governu bele instala bee moos mai Aldeia 12 de Outubru, tanba bee moos laiha nee susar tebes.

Tuir nia, bee iha hela, maibe nee masin, neebe bee nee uza deit ba fase bikan, fase ropa, atu tein no hemu tenki sosa. I bee neebe sira sosa, kada masa 5 liter ida, 0,05 sentavu, balde boot nee ida 0,50 sentavu.

(gui)

LEAVE A REPLY

Please enter your comment!
Please enter your name here