DILI, STLNEWS.co – Kampu trabalhu menus iha rai laran, halo graduadus sira neebe remata estudu barak halai ba servisu iha rai liur.
Kestaun nee hatoo husi Reitor Universidade Oriental Timor Lorosae (UNITAL), Florindo Pereira ba STL iha nia knaar fatin UNITAL, Segunda nee (10/04/2023).
Iha TL nee governu mak tenki loke kampu trabalhu, tanba kampu trabalhu laiha nee mak ema hotu halai ba buka servisu iha rai liur, hanesan ba Coreia, Australia no Inglatera, ita nian joven barak mak eskola iha universidade, maibe fatin la too nafatin ba sira, tanba governu la kria fatin neebe atu absolve graduadus sira nee laiha. Area servisu neebe mak governu tau nee mos menus, tanba nee ema hotu-hotu halai ba rai liur,” nia haktuir.
Florindo dehan, kampu trabalhu la too nee mak halo ema barak halai ba rai liur, tanba universidade sira nee prepara rekursu umanus no rekursu umanus preparadu ona, oinsa governu prepara kampu trabalhu ba graduadus sira nee. UNITAL rasik tinan ida gradua dala rua, maibe sura ho universidades seluk nee barak, nee kampu servisu laiha nee oinsa.
“Ita haree kampu servisu nee menus, tanba iha TL nee halo rekrutamentu deit ba F-FDTL, PNTL no kompanhia kiik sira nee, tanba ita laiha investimentu neebe boot hanesan ho rai sira seluk, entaun ema halai hotu ba rai liur, tuir lo-loos ita nian governu loke kampu servisu iha rai laran, ida nee laiha liu, ita nia ema neebe ita gradua sai ba nee, sira laiha modal para atu loke fali servisu seluk,” katak nia.
(jac)
