Adere Ba ASEAN, Ensinu Superior Seidauk Prontu

DILI, STLNEWS.co – Bainhira Timor Leste (TL) adere ba ASEAN, maibe parte husi ensinu superior seidauk prontu atu kompete ho universidade sira neebe iha rejiaun.

Haktuir Reitor Universidade da Paz (UNPAZ), Adolmando Soares Amaral ba STL iha nia knaar fatin Manleuana, Dili, Kuarta nee (31/05/2023).

“Bainhira TL muda nia estatutu hanesan mos observador ba ona membru permanente ASEAN, nee ba ita diak, maibe bainhira ita tama ba membru permanente iha rejiaun ASEAN, nee ita tenki sai nasaun kompetetivu iha setor hotu-hotu, inklui ensinu superior.Agora daudaun iha Timor, ensinu superior publiku no pribadu nee ita seidauk prontu atu kompete ho ensinu superior iha rejiaun ASEAN ninia, tanba ita nian obra sientifiku no peskizador sira menus,” nia afirma.

Adolmando dehan, too agora ema hakerek livrus sira menus, no rekursu iha ensinu superior publiku no pribadu neebe sai pengamat iha setor hotu seidauk barak, ida nee sai problema bainhira adere ba ASEAN, tanba seidauk prontu kompete ensinu superior sira iha nasaun rejiaun ASEAN.

“Maibe oinsa ita atu organiza aan, bainhira ita tama ba ASEAN, ita labele hakfodak ho nasaun sira iha ASEAN, liu-liu ba aspeitu hotu-hotu, ho ida nee ita tenki prepara aan, tanba bainhira tama iha ASEAN, ita sei iha kompetetivu ho nasaun seluk neebe mak partensia husi ASEAN ninia,” katak nia.

(jac)

LEAVE A REPLY

Please enter your comment!
Please enter your name here