AMN-TL Konsidera Estudantes Vitima

DILI, STLNEWS.co – Asosiasaun Manorin Nain Timor Leste (AMN-TL) konsidera daudaun nee eskola barak laiha profesores, no estudantes sai vitima ba prosesu aprendizajen.

Haktuir Arlindo Fatima da Costa Freitas hanesan Sekretariu Jeral AMN-TL ba jornalista sira iha Ponte Habibie Bidau, Segunda nee (22/01/2024).

“Ita nian profesor sira nee didika sira nian aan, balun tinan sanolu resin ona, nusa mak estadu no governu la valoriza, agora ita nian eskola barak laiha profesores, nee klaru katak ita nian estudante sira mak sai vitima, tanba nee ita nian governu la rekonhese ita nian profesor sira durante nee. Ami profesores permanente 2011 ami mos sei halo greve nasional,” afirma nia.

Nia dehan, sira mos sai vitima ba desizaun politika durante iha periodu ukun aan ida nee, hasoru Ministra Edukasaun, depois sira nian osan la sae too agora, maski profesor permanente ona, maibe salariu nee sei nafatin no la sae nafatin.

“Agora jestaun administrasaun iha edukasaun nee oinsa, iha nee ba dehan valoriza, iha nee ba dehan progresaun skalaun, koalia konaba hasae salariu nee ninia rezultadu iha neebe, daudaun nee ami neebe hanorin iha 1999 sai profesores permanente 2000, balun 2002 salariu nee hanesan deit US$ 400,” katak nia.

Nia akresenta, koalia konaba jestaun administrasaun iha ME nee oinsa, sira tenki haree ba ema nia servisu neebe antigu, abilitasaun literaria ho avaliasaun dezempenhu, maibe funsaun avaliasaun dezempenhu deit durante nee laiha. Ita nian eskola barak laiha profesores, oinsa ita nian estudante sira bele partisipa iha prosesu aprendizajen, tanba nee presiza haree asuntu ida nee, para ita nian estudante sira labele sai vitima,” dehan nia.

(jac)

LEAVE A REPLY

Please enter your comment!
Please enter your name here