Antoninho: Meza-Kadeira Rihun 20 Sei Distribui Ba Eskola

DILI, STLNEWS.co – Tinan nee Ministeriu Edukasaun Juventude no Desportu (MEJD) sei halo distribuisaun meza no kadeira rihun 20 ba eskola sira iha teritoriu laran.

“Tinan ida nee ita iha ona rihun 20 meza no kadeira, neebe too ona ami nian armazen, depois mak ami sei distribui, neebe sei halo distribuisaun ba ensinu pre eskolar, ensinu baziku, sekundariu no tekvo. Atu halo distribuisaun ba meza no kadeira nee, ami sei halo lansamentu iha fulan Agostu nian laran, tanba empreza neebe mak manan sei hatama kontentor 7, maibe kontentor sanulu resin mak sei iha dalan,” dehan Diretor Jeral Administrasaun, Management no Finansas MEJD, Antoninho Pires ba STL, Tersa nee (26/07/2022).

Nia dehan, bainhira halo distribuisaun ba eskola sira presiza haree lista neebe iha, tanba sira sei distribui ba eskola neebe mak iha, tanba fasilidade meza no kadeira nee bele fasilita estudante sira hodi uza ba atividades ensinu aprendizajen loron-loron.

Iha parte seluk, Direitor Servisu Edukasaun Munisipal Baukau, Augosto Ornai Ximenes hatete, konaba meza no kadeira, foin daudaun sira hatama ona pedidu ba diresaun nasional infraestutura, tanba bazeia ba identifikasaun nesesidade meza no kadeira nee sira aprezenta ona.

“Hau hanoin ami nian nesesidade mak ami aprezenta ona, tanba pedidu neebe aprezenta nee rihun neen atus lima (6.500) neebe ami husu, tanba husi atus rua haat nulu (240) eskola nee, maioria eskola sei menus meza no kadeira, iha eskola balun meza no kadeira iha maibe aat hotu ona, total estudantes iha Munisipiu Baukau hamutuk rihun haat nulu resin ida (41.000),” afirma nia.

(jac)

LEAVE A REPLY

Please enter your comment!
Please enter your name here

NEWS UPDATE

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...

Horta Fiar Sei Laiha Intervensaun Politika Iha PNTL

DILI, STLNEWS.co - Prezidente Republika (PR), José Ramos Horta hatete, nia fiar sei laiha intervensaun politika ba iha instituisaun Polisia Nasional Timor Leste (PNTL),...

ISFIT Ofrese Bolsu Estudu Ba Atleta Prestasaun

DILI, STLNEWS.co - Institutu Superior Filosofia i Teolojia (ISFIT), Dom Jaime Goulart, ofrese bolsu estudu ba atleta husi Federasaun Boxing Timor Leste, Delio Mouzinho,...