Area 3 Sai Prioridade FDCH Ba 2024

DILI, STLNEWS.co – Area 3 hanesan medisina, justisa no area tekniku sai prioridade Fundu Dezenvolvimentu Capital Umanu (FDCH) ba tinan 2024.

Lia hirak nee hatoo husi Diretor Ezekutivu FDCH, Júlio Aparício ba jornalista sira iha City 8 Manleuana, Tersa nee (05/12/2023).

“”Ba tinan 2024 ami fo prioridade ba area medisina, tanba nee mak agora daudaun sira nain 16 iha area medisina, depois iha area justisa, nomos tekniku iha area sira neebe mak estratejiku ami fo prioridade, la signifika taka dalan ba area sira seluk, maibe depende ba nesesidade sira neebe ou ami hetan ema ruma neebe matenek iha area espesial, ami sei ajuda sira fo bolsu, depois ami iha maneira no estratejia atu kontrolu oinsa sira sai bolseiru neebe diak no hetan rezultadu neebe diak,” dehan nia.

Nia hatete, konaba bolseiru sira neebe remata fila la hetan servisu, sira sei servisu hamutuk ho governantes sira, hodi nunee bolseiru neebe hotu entrega ezemplu iha area tekniku entrega ba Ministeriu Obras Oublika, Transporte, Eletrisidade, entrega sira para sira bele tau matan ba bolseiru sira nee.

“Area medisina ninia ita iha Ministeriu Saude entrega ba sira, tanba ita nian estadu lakon osan, entaun tenki responsabilidade. Governantes sira tenki responsabilidade ba ida nee, labele ba bolu fali ema, neebe laos seluk mos laiha direitu, maibe iha direitu hotu, maibe fo prioridade ba ema neebe ita nian estadu gasta osan ba eskola, ba hau nian mandatu hau sei halo ida nee, hau sei esforsu atu defende osan neebe ami gasta ba bolseiru sira iha rai liur no rai laran,”nia afirma.

(jac)

LEAVE A REPLY

Please enter your comment!
Please enter your name here