DILI, STLNEWS.co – Prioridade ba inkluzaun defisiensia iha Timor Leste asegura ema ho defisiensia asesu ba edukasaun labele ho diskriminasaun.
Haktuir Jestora Programa Asosiasaun Defisiensia Timor Leste (ADTL), Veronica Besi Tilman ba STL, Kinta nee (04/05/2023).
“Espera governu iha inisiativa hodi kontinua politika sira nia planu asaun nasional ba ema ho defisiensia periodu 2021-2030, kontinua asegura implementasaun ba iha lei konvensaun direitu konaba ema ho defisiensia neebe ratifika ona iha dia 4 Julhu 2022. Tau prioriodade ba Inkluzaun Defisiensia iha Timor -Leste, asegura ema ho defisiensia asesu ba edukasaun neebe mak labele ho diskriminasaun,” dehan nia.
Veronica dehan, ADTL sei esforsu servisu makaas ho membru organizasaun 26 nee hodi hasae konsiensia makaas ba iha publiku ka sosiedade hodi labele diskrimina sira nia oan neebe mak moris ka kondisaun defisiensia.
“Asegura seriedade ba implementasaun konvensaun direitu ema ho defisiensia neebe mak oitavu governu ratifika nee, atu nunee sosiedade ka familia sira fo testamentu dignu no fo protesaun neebe igual tuir lei, testamentu nee sala tratamentu,” nia afirma.
(jac)
