Aselera Prosesu Pagamentu Profesores

OEKUSI, STLNEWS.co – Profesores kontratu senti tristi, husu ba  Ministeriu Edukasaun (ME) atu bele aselera prosesu pagamentu ba sira nian konta bankaria.

“Ami senti tristi, tanba ate ohin loron la tama. Mezmu lideransa husi ME deklara ona dehan halo pagamentu tempu iha badak entre fulan Agostu nia laran, maibe atu tama ona Setembru salariu seidauk tama. Ami husu ba nai ulun sira liu-liu lideransa Ministeriu Edukasaun atu bele tau netik konsiderasaun ba preokupasaun ami nian, hodi aselera prosesu  pagamentu,” dehan Agostinho Pinto nudar profesor kontratu ba STL liu husi telefone, Segunda nee (04/09/2023).

Agostinho dehan, karik iha fulan Setembru nee la tama sira sei ba marka audensia ho Presidente Republika, no sira mos sei hatoo ba Parlamentu Nasional liu-liu komisaun G, para bele haree asuntu ida nee.

Iha fatin seluk, Direitor SEM Manufahi, Trinito Sarmento hatete, konaba salariu ba profesores kontratu sira nian nee kompetensia husi nasional, oinsa halo prosesu pagamentu ba profesores kontratu, neebe antes nee asina ona kontratu.

“Hau haboin konaba salariu profesores kontratu sira nian, nee kompetensia husi nasional ninia, oinsa halo prosesu pagamentu ba ita nian profesores sira.

Nunee mos Direitor Jeral Administrasaun Jestaun no Finansas husi ME, Antoninho Pires la konsege halo intervista, tanba la atende telefone.

(jac)

LEAVE A REPLY

Please enter your comment!
Please enter your name here