DILI, STLNEWS.co – Too agora ensinu Pre Eskolar Sagrada familia seidauk hatene data fiksu ba estudante sira nian graduasaun, tanba seidauk iha enkontru ikus ho inan aman estudantes.
Lia hirak nee hatoo husi Octaviana Julio de Sousa nudar profesora iha Ensinu Pre Eskolar Sagrada Familia Vila-Verde, ba STL iha nia knaar fatin, Kinta nee (05/10/2023).
Konaba data ba loron neebe atu halao graduasaun nee seidauk fiksu didiak, tanba sei halao enkontru dala ida tan ho inan aman estudante sira, hodi koalia konaba preparasaun graduasaun ba estdante sira, labarik sira neebe mak prepara halao graduasaun nee hamutuk 98, nee kompostu husi estudantes feto ho mane.
“Iha enkontru primeiru nee ami koalia konaba APP, konaba labarik sira nian graduasaun, osan atu prepara fatin dekorasi, maibe ida nee depende ba inan aman estudantes sira nian hatama osan hira, US$ 10 ka US$ 5, nee depende ba inan aman sira nia kbiit, karik US$ 10 labele, entaun hatama deit US$ 5,” nia esplika.
Nia akresenta, ba oin husi eskola sei enkontru ho inan aman estudantes, nunee bele hatene data fiksu ba graduasaun ninia, ho nunee husi eskola ho inan aman estudante sira bele halo preparasaun neebe diak liu tan ba atividades refere.
Nunee mos Kordenador Pre Eskolar Sagrada Familia, Cornelio Antonio Soares dehan, preparasaun ba estudante sira nian graduasaun nee husi parte eskola halao enkontru ho inan aman sira, oinsa mak halo preparasaun ba serimonia graduasaun ninia.
“Ita nian preparasaun ba graduasaun nee, ami sei halao tan enkontru ho inan aman sira, para bele koalia konaba preparasaun nee halo oinsa,” tenik nia.
(jac)
