DILI, STLNEWS.co – Eskola Ensinu Baziku Sentral (EBC – sigla portugues) Munisipiu menus profesores, tanba balun neebe hanorin barak idade avansadu ona.
Haktuir Diretor Servisu Edukasaun Munisipiu Dili, Carlito da Silva ba STL, Sesta nee (22/09/2023).
Nia afirma, profesores ba ensinu sekundariu sufiente hela, maibe ba iha nibel ensinu baziku mak seidauk sufiente, tanba iha EBC sira nee maioria profesores ferik no katuas, neebe labele hanorin ona.
“Konaba reforma nee,ami nian dadus lolos nee seidauk iha,hirak neebe reforma ona iha Dili laran nee,balun husu hela ona, maibe ami seidauk fo sai, bainhira konfirma los mak ami fo sai dala ida. Ita nian professores sira nee seidauk sufiente, bainhira lei reforma nee iha,professor barak reforma ona,” nia tenik.
Carlito dehan, foin dadaun husi ME foti hela dadus quatro pesosais, total eskola ensinu baziku iha Dili laran nee hamutuk 55, nee kompostu husi centru onzi, no filial 44, nee mak hamutuk lima nolu resin lima.
Iha fatin seluk, Diretor Servisu Edukasaun Munisipiu Baukau, Augosto Ornai Ximenes dehan, lei reforma obrigatoriu mos seidauk iha, maibe bainhira profesor sira reforma, professor sira menus.
“Ita mos seidauk iha lei reforma obrigatoriu, maibe ita nian profesores barak mak reforma ona, maibe total numeru neebe reforma nee hau ladun hatene, tanba agora hau lao viajen hela iha dalan,” nia komenta.
(jac)
