EBF Aituri Laran Husu Aumenta Livru

DILI, STLNEWS.co – Eskola Baziku Filial (EBF) Aituri Laran husu ba Ministeriu Edukasaun Juventude no Desportu (MEJD), atu aumenta livrus planu aula ba eskola refere.

Tuir Koordenador EBF Aituri Laran, Vidal Brites dos Santos, ba STL iha nia knaar fatin, Tersa horiseik (02/08/2022).

“Ami presiza deit planu aula, tanba tinan-tinan numeru estudantes aumenta no profesores tenki koloka iha sala sira, entaun planu aula nee mak presiza aumenta liu tan, tanba ita haree ba numeru estudantes,” dehan Vidal.

Nia dehan, planu aula agora daudaun presiza nee mak ba estudantes primeiru anu no mos segundu anu, tanba husi eskola ida, tinan-tinan estudantes sempre aumenta, tanba nee sira presiza livru planu aula.

Nunee mos Leonita de Jesus hanesan estudante hatete, sira nian atividades prosesu aprendizajen lao hanesan baibain, konaba livrus nee rai iha kordenador nia fatin. Dala ruma estudante sira bele ba haree livru sira nee.

“Dala ruma ami ba lee livru sira nee, maibe ami nian livru sira nee rai iha koordenador ninia fatin deit,” dehan nia.

(jac)

LEAVE A REPLY

Please enter your comment!
Please enter your name here

NEWS UPDATE

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru-Hun, Juvinal da Conceição hatete, nia parte kontenti ba efidisiu foun sede nian neebé inagura ona, maibe fasilidade mak...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...

Horta Fiar Sei Laiha Intervensaun Politika Iha PNTL

DILI, STLNEWS.co - Prezidente Republika (PR), José Ramos Horta hatete, nia fiar sei laiha intervensaun politika ba iha instituisaun Polisia Nasional Timor Leste (PNTL),...