Eskola Dili Laiha Problema Ba Kaderneta

DILI, STLNEWS.co – Oras nee daudaun eskola sira iha Munisipiu Dili laiha problema ba kaderneta eskolar, tanba sei sufisiente hela ba eskola.

Lia hirak nee hatoo husi Direitor Servisu Edukasaun Munisipiu Dili, Carlito da Silva ba STL iha nia knaar fatin, Tersa (16/01/2024.

“Hau hanoin konaba kaderneta eskolar nee sufisiente ona, tanba ami fahe ona ba ita nian eskola sira, no daudaun nee balun resin ami sei rai hela iha Edukasaun Munisipiu, nee duni karik eskola balun neebe sei falta nee sira bele mai foti deit, nee duni ita nian kaderneta iha eskola sira Munisipiu Dili sufisiente ona, no laiha problema ba kaderneta eskolar, maski uluk eskola balun uza deit kaderneta provizoriu,” haktuir nia.

Nia dehan, eskola sira iha Dili laiha problema ba kaderneta eskolar, tanba nee, karik eskola balun neebe sei menus kaderneta, entaun bele mai foti iha Edukasaun Munisipiu Dili, tanba sei iha kaderneta.

“Ita nian eskola sira nee tenki iha kaderneta eskolar, para ita nian profesor sira bele prienxe valor estudante sira nian, tanba se kuandu laiha kaderneta ba ita nian eskola sira, nee sira uza deit kaderneta provizoriu deit,” nia afirma.

Iha fatin seluk, Diretor EBC Fatumeta, Feliciano Gusmao dehan, konaba kaderneta sira laiha problema, tanba sira nian kaderneta sufisiente hela ba estudante sira, nee duni sira laiha problema ba kaderneta.

“Hau hanoin ami laiha problema ba kaderneta eskolar, ami nian kaderneta sufisiente hela ba ami nian estudante sira, nee duni durante nee ami uza kaderneta sira nee mak prienxe valor estudante sira nian husi ezame,” nia afirma.

Iha fatin seluk, Kordenador Gabinete Unidade Kurrikulu Nasional iha ME, Joao Mau Pelu dehan, konaba kaderneta, tinan nee sira kontinua halo distribuisaun ba eskola sira, maibe depois mak fo dadus neebe kompletu ba media sira.

“Konaba kaderneta eskolar, ita kontinua halo distribuisaun ba ita nian eskola sira, maibe depois mak hau fo informasaun neebe klaru ba ita boot sira,” nia haktuir.

(jac)

LEAVE A REPLY

Please enter your comment!
Please enter your name here