Eskola Presiza Ambiente Hakmatek

DILI, STLNEWS.co – Bainhira atu hetan kualidade neebe diak, eskola presiza iha ambiente neebe silensiu ka hakmatek, ho nunee bele halao aprendizajen ho diak.

Lia hirak nee hatoo husi Diretor Interinu Ensinu Baziku Sentral (EBC – sigla portugues) 10 Dezembru Komoro, Nicolau Amaral ba STL iha nia knaar fatin EBC 10 Dezembru Komoro, Kinta nee (23/11/2023).

“Prosesu nee dezde iha inisiu mai too ohin loron mak halo levantamentu no prosesu nee lao daudaun ona, ita nian komunidade neebe hela iha nee mos halo aproximasaun ho sira, no sira disponivel atu sai, maibe mekanizmu atu sai nee oinsa, ita hein ministeriu neebe kompetente ba ida nee,” tenik nia.

Nia afirma, komunidade neebe hela iha areador eskola nee maioria profesor sira, neebe sira prontu atu husik fatin ida nee, maibe parte kompetente liu-liu ba governu, komunidade sira sai nee trata mekanizmu oinsa, sira sai ho dignu para sira bele kontenti.

“Uma kain hamutuk 14, sira balun hela dezde iha tinan 2000. Hau hanesan lideransa iha eskola hau haree ida nee prejudika tebes, tanba hakarak atu hetan kualidade neebe diak, eskola presiza ambiente neebe silensiu, nunee fo espasu ba ita nian estudante sira bele konsentra ba aprendizajen, se ita hela ho ambiente ida nunee prejudika tebes, ami sujere ba governu, se bele tinan oin nee haree rezolve problema sira nunee,” katak nia.

(jac)

LEAVE A REPLY

Please enter your comment!
Please enter your name here