DILI, STLNEWS.co – Bainhira ezije ba kualidade neebe diak, tenki tau orsamentu boot ba iha area edukasaun.
“Ita ukun aan tinan rua nolu resin ona, kestaun ba asuntu kualidade, ema balun dehan Timor Leste nia kualidade edukasaun nee laiha, tanba estudantes neebe remata eskola la hetan kampu servisu, signifika katak, sira haree deit kualidade edukasaun intermus de ouput. Saida mak rezultadu husi durante periodu aprendizajen nee remata, normalmente atu sukat kualidade servisu ida, atu sukat rezultadu servisu ida, ninia dalan nee mak halo avaliasaun iha fatin hotu,” dehan Diretor Ezekutivu Timor Leste Coalition For Education (TLCE), Jose Monteiro ba STL Kinta nee (04/05/2023).
Nia dehan, se hakarak kualidade nee kompletu liu, nee presiza halo analiza no iha komitmentu tau osan ba edukasaun nee hira, tanba tau osan ba edukasaun para bele selu profesores ho kualidade ou halo formasaun ba profesores neebe la kualidade ba kualidade liu, ou atu disponibiliza meza, kadeira, biblioteka, sala de aula, haris fatin, agora merenda eskolar dapur iha, buat sira nee hotu.
“Ita nian seriedade investimentu nee iha ka lae, tanba ita tau osan ba edukasaun nee hira, depois ita ezije ba kualidade, tanba prinsipiu edukasaun laos sosa ho osan, nee lae, bainhira tau tiha osan, buat sira nee funsiona ka lae, entaun ita atu ezije ba kualidade tenki tau orsamentu ba edukasaun. Ita tau deit osan profesor tuir ona formasaun ka lae,” katak nia.
(jac)
