Ezistensia Tinan 10, ISFIT Transforma Konhesimentu

DILI, STLNEWS.co – Selebra dies natalis ba dala 10, Institutu Siensia de Filosofia e Teolojia (ISFIT) transforma estudante sira ba nia konhesimentu hodi tulun sosiedade sira.

Tuir Pe. Jose Maia hanesan Dosente ISFIT katak, ohin selebra dies natalies ba Institutu Superior Filosofia e Teologia Dom Jaime Garcia Goulart ba dala 10. Tinan 10 ona, maibe prosesu akreditasaun demora oituan, tanba graduasaun foin dala tolu, hahu iha tinan 2020, 2022 no 2023.

“Ami hotu neebe mak halibur iha instituisaun ida nee, ita buka siensia atu bele transforma ami idak idak nia konhesimentu no ami bele lori ami nia konhesimentu ne’e hodi tulun sosiedade, liu-liu kontribui igreja nia pastoral iha Timor Leste”, dehan nia ba STL iha Fatumeta, Dili, Kuarta nee (10/05/2023).

Nia dehan, foti Dom Jaime Garcia Goulart ba instituisaun akademiku neebe igreja lokal hahu harii iha tinan 2013, maske oras nee mosu tan Universidade Katolika Timorense.

Tanba nee, iha selebrasaun Dies Natalies ISFIT nian laiha atividade boot ruma, importante mak halibur hamutuk agradese ba Maromak liu husi selebrasaun ida ohin.

Enkuantu, ISFIT uluk loke nee fo espasu deit ba seminarista sira, maibe ho ISFIT nia ezistensia agora daudaun nakloke mos ba legius no legias sira.

(mar)

LEAVE A REPLY

Please enter your comment!
Please enter your name here