DILI, STLNESW.co – Familia suporta oan sira nian estudu iha nivel universidade, maibe oan tenki uza oportunidade ho diak hodi estuda.
Kestaun nee hatoo husi Adelaide Maia da Costa hanesan estudante husi UNDIL, Fakuldade Ekonomi, semester 6, ba STL Kuarta nee (29/03/2023).
“Hau senti agradese ba hau nia familia neebe suporta ona hau nia estudu, too ohin loron hau hakat ona ba semester 6, maibe ho sira nia apoiu ida nee, primeiru hau nudar estudante ka nudar oan, hau nia dever mak estuda, para hau bele hetan notas neebe diak, atu nunee hau nia familia labele kecewa ho hau nia estudu, tanba dala barak akontese inan aman haruka ba eskola, maibe oan balun lakohi uza oportunidade ho diak, nee barak akontese,” nia afirma.
Adelaide dehan, durante nee hasoru difikuldade oin-oin iha ninia estudu, dala ruma osan, maibe ida nee la sai obstaklu ba nia, nafatin iha vontade estuda, liu-liu area neebe hili ona, presiza domina ka hatene klean para bele iha rezultadu ba ninia estudu.
(jac)
