Finaliza Ona Pagamentu Subsidiu Ba Profesores

DILI, STLNEWS.co – Ministeriu Edukasaun (ME) finaliza ona pagamentu subsidiu transporte ba profesores hotu, maibe iha ida rua mak sei iha problema ba sira nian dokumentus.

Haktuir Diretora Rekursu Umanu iha ME, Anita Tavares Ribeiro de Jesus ba STL iha edifisiu ME, Kuarta nee (27/12/2023).

“Transporte nee hau bele dehan, nia prosesu nee finaliza ona. Nee duni ita konta presentajen nee 0% ona, tanba pagamentu sira nee finaliza ona, maibe iha ida rua mak problema ba sira nian dokumentus, nee iha finansas, tanba finansas haree tiha sistema nee katak, sira nian dokumentus sira nee tenki kompleta, maibe bainhira sira mai reklama, ami nafatin halo prosesu sira nee ba hotu ona, ami bele dehan 100% hotu ona,” dehan Anita.

Nia dehan, ida neebe mak reklama mai, sira sei halo prosesu, agora la paga nee mak seidauk paga, nee mak profesor sira neebe kaer kargu, nee sira selu US$ 25, nee seidauk ba sira nian diretu ida hanesan kargu nee.

(jac)

LEAVE A REPLY

Please enter your comment!
Please enter your name here