Fundasaun Cristal Selebra Aniversariu Ba 39

DILI, STLNEWS.co – Misa agradesimentu ba komemorasaun festa aniversariu Instituisaun Edukativa Fundasaun Cristal ba dala 39.

“Durante ita halo preparasaun, hodi halao atividades too ohin loron lao iha obstaklu no dezafiu neebe ita hasoru, hau sei koalia konaba kontestu ISC ninia, neebe eziste iha tinan 2001, agora daudaun ita halo aniversariu Fundasaun Cristal ba tinan 39, ISC ami sei selebra iha loron 5 Novembru 2023, maibe halo ona tinan 22,” dehan Reitor ISC, Sebastiao Pereira liu husi diskursu ba jornalista sira, Segunda nee (05/06/2023).

Sebastiao dehan, agradese ba hotu-hotu, liu-liu ba kooperasaun diak ho telcomcel neebe mak ohin marka prezensa, inklui maluk sira seluk no familia boot Instituisaun Fundasaun Cristal ninia, neebe mak bele marka prezensa liu-liu fundador sira, tanba ho fundador sira nian esforsu tomak ohin Cristal halo tinan 39.

“Ami agradese ba koru neebe diak tebes ba iha atividades ida nee, inklui ami nian estudantes hotu neebe partisipa iha eventu ida nee, dala ida tan parabens ba fundadores hotu husi Fundasaun Cristal, neebe esforsu aan tomak hodi harii eskola ida nee, ita hotu funsionariu, dosentes, estudantes, ohin ita bele mai iha fatin ida nee,” nia afirma.

Nunee mos Fernando Mesquita hanesan komisaun organizador dehan, tinan ida nee ensinu baziku primeiru, segundu no terseiru siklu, maibe hahu husi preparasaun too ohin loron atividades ida nee lao diak tebes-tebes, tanba atividades barak neebe halao tiha ona hodi bele selebra aniversariu ida nee. Atu hatoo deit atividades hirak neebe durante nee ita halao.

Nunee mos Prezidente Ezekutivu Fundasaun Edukativa Cristal Agostinho dos Santos Goncalves dehan, reitor, direitores, dosentes no profesor sira mesak deit labele halo buat ida, maibe hamutuk ho estudantes, hahu husi ensinu baziku, agora iha programa mestradu, nee mesak deit mos labele, maibe inklui mos inan aman, tanba osan mai husi inan aman estudantes sira nian.

“Ami nain 10 nee mesak kasian deit, maibe tanba Kristu Nai Liurai, ita nian IX Governu sei mai holo diak liu tan, tanba imi mak lideransa ba futuru ninia, neebe agora ita prepara sira, ita neebe mak idade ona nee fo liman ba malu,” tenik nia.

(jac)

LEAVE A REPLY

Please enter your comment!
Please enter your name here