Hadia Estatutu Profesores kontratadu, Nee Kompetensia Ministru

DILI, STLNEWS.co – Atu hadia estatutu profesores kontratadu, nee kompetensia Ministru Edukasaun Juventude no Desportu (MEJD).

“Ami nian profesores kontratu nee hamutuk 198, nee husi nivel pre eskolar, ensinu baziku no sekundariu jeral, atu hadia estatutu profesores kontratu sira, nee desizaun no kompetensia husi ministeriu, tanba sira agora frekuenta hela baxarelatu ida neebe mak husi kooperasaun entre INFORDEPE ho Universidade Nasional Timor Lorosae (UNTL), para bele prienxe rekezitus tuir lei baze edukasaun ninia,” dehan Diretor Servisu Edukasaun Munisipal Manufahi, Trinito Sarmento ba STL liu husi telefone, Kinta (28/07/2022).

Nia dehan, profesor minimu ho grau iha nivel baxarelatu, sira yudisium tiha ona, agora sira hein hela para halao graduasaun, maibe too agora seidauk, karik remata ona graduasaun, sira nian estatutu nee bele transforma ona ba permanenti, maibe nee depende husi MEJD.

Nunee mos Diretor Servisu Edukasaun Munisipiu Baukau, Augosto Ornai Ximenes katak, konaba profesores kontratu ninia, nee depende ba orgaun kompetente, tanba sira mak bele hatene, maibe profesor sira durante nee fo ona kontribuisaun, hanorin estudante sira iha eskola.

“Hau hanoin, maski ita nian profesor sira nee ho estatutu kontratu, maibe fo sira nia didikasaun hodi hanorin ita nian estudante sira iha eskola, tanba nee, atu haree sira nian estatutu ida nee, hau hanoin nee kompetensia MEJD ninia,” dehan nia.

(jac)

LEAVE A REPLY

Please enter your comment!
Please enter your name here

NEWS UPDATE

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...

Horta Fiar Sei Laiha Intervensaun Politika Iha PNTL

DILI, STLNEWS.co - Prezidente Republika (PR), José Ramos Horta hatete, nia fiar sei laiha intervensaun politika ba iha instituisaun Polisia Nasional Timor Leste (PNTL),...

ISFIT Ofrese Bolsu Estudu Ba Atleta Prestasaun

DILI, STLNEWS.co - Institutu Superior Filosofia i Teolojia (ISFIT), Dom Jaime Goulart, ofrese bolsu estudu ba atleta husi Federasaun Boxing Timor Leste, Delio Mouzinho,...