DILI, STLNEWS.co – Agora daudaun imprime hela pontus ezame nasional, no sei finaliza iha loron 13 fulan Outubru, tanba ezame refere sei hahu iha loron 16 too 19 fulan Outubru.
Lia hirak nee hatoo husi Koordenador Gabineti de Avaliasaun e Dezenvolvimentu curricular, Joao Mau Pelo ba jornalista sira iha Delta Nova, Komoro Dili, Kinta nee (14/09/2023).
Nia dehan, impresaun pontus ezame nasional agora daudaun lao hela, sei finaliza iha impresaun ho pakotementu nee sei finaliza iha 13 fulan Outubru, depois de ida nee ita sei halo distribuisaun, depois dia 16 ita hahu halao ezame nasional too dia 19, ami sei kontinua ho ida nee, ita iha 20 too 23. Primeiru teknikamente husi unidade kurrÃkulu, materia reliziaun nee, segundu iha planu kurikular nee foin reliziaun katiliku,” nia informa.
Nia dehan, maibe politikamente, nee politiku sira mak hatene, materia nee atu tama iha EN mos la hatene, maibe teknikamente tuir unidade kurrÃkulu nian haree katak, nia repete sei materia jeral, no planu kurrikular nee foin iha reliziaun katoliku, revizaun sira seluk seidauk iha kurrikular. Materia nee sei tama iha ezame lokal,” nia esplika.
Entretantu, Direitor SEM Vikeke, Domingos Brandao dehan, konaba ezame ninia, oinsa mak estudantes sira estuda, para nunee bele hetan valor neebe mak diak husi ezame, oinsa kada loron mai eskola.
“Ita husu ita nian estudantes, oinsa mak estuda para bele hetan valor diak husi ezame, no loron-loron tenki mai eskola,” nia esplika.
Nunee mos Maximiano da Silva Boavida hanesan Diretor Interinu EBC 27 de Setembru Noafafo RAEOA hatete, ba ezame ninia, husu estudantes idak-idak estuda, no kada loron ativu iha eskola, atu nunee bele simu materia husi profesores sira, liu husi ensinu aprendizajen neebe lao iha eskola.
(jac)
