DILI, STLNEWS.co – Atu hetan valor neebe diak iha ezame segundu periodu, estudantes idak-idak tenki estuda, tanba pontus ezame hahu preparadu.
Tuir Diretor Eskola Sekundariu Jeral (ESJ) no 4 de Setembru Balide, Sergio A. da Cruz, ba STL iha nia knaar fatin, Kuarta nee (03/08/2022).
“Pontus ezame ba segundu periodu ninia hahu prepara daudaun ona, hodi hein loron neebe ami halao ezame ba ita nian estudante sira. Tanba nee husu estudante sira bele prepara aan estuda, tanba materia fo ona ba sira idak-idak,” dehan Sergio.
Nia hatete, total estudantes neebe sei tuir ezame hamutuk 3.982, profesores hanorin hamutuk 112, no sala hamutuk 28.
Silvina do Carmo hanesan estudante segundu anu husi ESJ no 4 de Setembru Balide hatete, hanesan estudantes presiza estuda materia neebe profesores sira fo ona, tanba sura deit loron atu tama ba ezame.
“Hau hanoin ami estudantes prepara ami nian aan, para iha ezame nee buat hotu bele lao ho diak liu tan, estuda ou lae, nee depende ba pesoal idak-idak nia hanoin,” nia deklara.
(jac)
