Inundasaun Iha Eskola, SEM Dili Seidauk Simu Informasaun

DILI, STLNEWS.co – Servisu Edukasaun Munisipiu (SEM) Dili seidauk simu informasaun husi eskola sira, relasiona ho udan boot afeita inundasaun iha eskola.

Lia hirak nee hatoo husi Diretor Servisu Edukasaun Munisipiu Dili, Carlito da Silva ba STL iha nia knaar fatin, Sesta nee (12/01/2024).

“Hau tenki simu telefone nee mai husi ita nian eskola sira, karik udan boot eskola ida neebe mak afeita ba inundasaun, tanba eskola sira iha area Bekora nian mak hanesan Eskola Sergio Viera de Melho, no eskola Sekundariu Jeral no 5 de Maio Bekora, eskola ida nee mos sempre mosu inundasaun,” nia dehan.

Nia afirma, eskola ida seluk iha mota ulun mak mota sempre ameasa inklui eskola ida iha Hudi Laran ninia, maibe too ohin loron parte eskola ninia seidauk telefone relasiona ho inundasaun neebe akontese iha eskola.

“Maibe ita haree took ba oin, Kamea Raihun hori bainhira ami ba ona iha neeba katak, atu hadia eskola konstrusaun nee iha tinan ida nee, ida seluk mak iha Hudi Laran, tanba nee mak hori bainhira autoridade xefi suku ami ba haree ona, mota nee ameasa moru nee nakfera ona iha neeba,” tenik nia.

(jac)

LEAVE A REPLY

Please enter your comment!
Please enter your name here