DILI, STLNEWS.co – Komite Orientador 25 ho nia komisaun diretiva halao enkontru ho Ministeriu Edukasaun, hodi haree fila fali servisu neebe durante nee komite husi edukasaun nian tutela.
Lia hirak nee Ministra Edukasaun, Dulce de Jesus ba jornalista sira iha salaun VIP Ministeriu Edukasaun Vila-Verde, Kinta nee (13/07/2023).
“Komite Orientador 25 ho nia komisaun diretiva, enkontru nee atu haree fila-fali servisu sira neebe durante nee komite husi edukasaun nian tutela, ami atu haree kontinua ba oin, oinsa mak atu reforsa tan servisu nee bele lao diak liu tan ba oin, tanba Ministeriu Edukasaun hanoin katak, trabalhu neebe mak komite orientador 25 halo importante tebes-tebes ba Ministeriu Edukasaun, liu-liu ba kurríkulu, ita hakarak iha eskola Timor aon sira bele aprende istoria neebe mak liu husi analiza sientifiku ruma,” dehan Dulce.
Dulce dehan, iha istoria balun konaba memoria no muzeum balun, buat sira nee hotu hanoin katak, kapas tebes-tebes, Ministeriu Edukasaun kontinua reforsa sira nian trabalhu ho komite orientador 25, tanba nee enkontru ida nee importante tebes-tebes.
“Enkontru ida ohin entre komite 25 ho Ministeriu Edukasaun nee importante tebes, liu-liu ba iha ita nian kurríkulu ninia,” nia dehan.
Nunee mos Jacinto Alves hanesan Visi Prezidente husi konselhu diretiva komite 25 dehan, komite 25 nee husi estadu no laos organizasaun husi rezistensia, maibe nia konselhu governu ninia mak harii, neebe husi rezolusaun ida, halao ninia knaar hodi halo peskiza no hakerek istoria luta rezistensia nasional.
“Bazea ba knaar ida nee mak komite 25 hatur iha tutela Ministeriu Edukasaun ninia, neebe agora ho governu foun komite 25 fila fali mai konaba progresu hotu-hotu neebe iha, hatoo nafatin saida mak servisu komite 25 ninia halao too agora,” katak nia
Jacinto hatete, komite orientador bele halao ninia knaar mak oinsa atu halo peskiza diak liu tan no hakerek istoria ba luta rezistensia nasional, ho ida nee ohin komite 25 mai partisipa iha enkontru ida nee, hodi koalia konaba asuntu neebe mensiona.
(jac)
