Komunidade Hela Iha Resintu Eskola, Afeita Ba Ambiente

DILI, STLNEWS.co – Bainhira komunidade sira kontinua hela iha resintu eskola ninia, sei afeita boot ba ambiente eskola, tanba halo barulhu tun sae iha area eskola.

Tuir Profesor husi Eskola Sekundariu Jeral (ESJ) no 4 de Setembru Balide, Silveiro da Costa hatete, komunidade sira nee hela iha resintu eskola, nee afeita tebes ba ensinu aprendizajen, tanba labarik sira hakilar tun sae iha resintu eskola ninian.

“Komunidade neebe hela iha resintu eskola nee ami aprezenta beibeik ona, ita bele dehan ida nee afeita tebes ba ambiente eskola, razaun primeiru bainhira ami enkontru ruma sempre halo barulhu husi kotuk, dala ruma ami hanorin labarik sira neebe hela iha nee halai ba mai, ida nee atrapalha tebes ba prosesu aprendizajen ba estudante sira. Ami hatoo beibeik ona, maibe nee desizaun mai husi governu, ami hatoo deit ba Ministériu Edukasaun Juventude no Desportu (MEJD),” dehan Silveiro ba STL iha nia knaar fatin, Kinta nee (21/07/2022).

Nunee mos Diretor ESJ no 4 de Setembru Balide, Sergio A. da Cruz dehan, konaba komunidade sira neebe sei okupa hela rai eskola ninian, nee sai hanesan problema boot ida mai iha eskola, dala ruma atu hadia eskola ida nee halo diak liu tan.

“Tanba nee rai eskola ninian, eskola ida hakarak fatin neebe seguru, laos loke muzika, koalia trata malu, uma kain neen mak hela iha nee, depois komunidade sira husik animal, aifunan neebe ita kuda nee labarik sira sama hotu, tanba sira tebe bola iha laran,” tenik nia.

(jac)

LEAVE A REPLY

Please enter your comment!
Please enter your name here

NEWS UPDATE

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru-Hun, Juvinal da Conceição hatete, nia parte kontenti ba efidisiu foun sede nian neebé inagura ona, maibe fasilidade mak...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...

Horta Fiar Sei Laiha Intervensaun Politika Iha PNTL

DILI, STLNEWS.co - Prezidente Republika (PR), José Ramos Horta hatete, nia fiar sei laiha intervensaun politika ba iha instituisaun Polisia Nasional Timor Leste (PNTL),...